Štorije z bodulije

Pozivamo Vas da popratite Štorije z bodulije :

Eko, ću van pravit jednu štoriju od nigdar. Va to staro vrime nisu žene doma imele makine za prat robu. Je bilo klast šporku robu va kablicu, zet dasku i sapun i poć na perilo, na krušiju.
Ma ni to bilo samo poć prat robu. To je bilo zadnje, se rabilo prižentat, pokazat ki lipi novi komad robe, novi naštikani lancun, malo poćakolat, pokarat se ako rabi, i najlipše od svega pohabat kako mladići lipo kantaju.
I tako su bile Mare, Kate i Luce, tri susede, tri ćakolone , tri lajavice, nenavidne jena na drugu, ma jedna bez druge nisu mogle.